Arben Dervishi është aktori i njohur korçar i humorit, i cili i mungon tashmë skenës shqiptare.
Prej vitesh ai jeton në Michigan të SHBA-së, duke u shkëputur në këtë mënyrë edhe nga rolet. Ai ka rrëfyer vështirësitë e fillimit në SHBA.
“Për herë të parë në Amerikë ika kur më doli llotaria. Kam ikur në 2003, kam ndejtur një vit dhe nuk më ka pëlqyer. Kam ikur nga suksesi, kisha një recital me Zamira Kita dhe kisha shumë sponsorizime. Largohem në Amerikë dhe marr goditje. Ç’është ky vend, të gjithë ikin me atë idenë Amerikë”, thotë ai.
Gjithmonë ka qenë më mendjen për tu kthyer në Shqipëri por thotë se ka sakrifikuar për shkollimin e fëmijëve të tij. E vetmja punë pak e lidhur me profesionin e tij ka qenë një televizion që u tentua të hapej në Michigan.
“Më merr një televizion në Michigan e kishte ndërtuar një deputet i PD dhe më mësuan atje, bashkë me dy fëmijë ndërtuan një tv, po u mbyll dhe kaq, u ktheva në Shqipëri më pas”, tha ai per “ABC”.
Herë pas here ai kthehet në Shqipëri, por tashmë nuk jeton më në Korçë por në kryeqytet, megjithatë lidhjet me Korçën për të nuk humbin kurrë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
