Mediat britanike bëjnë të ditur se masat janë ashpërsuar për të parandaluar përhapjen e koronavirusit.

Sipas “Mirror” njerëzit mund të largohen nga shtëpitë e tyre vetëm një herë në javë, duke pasur një arsye të fortë.

Ndërsa rastet e koronavirusit vazhdojnë të rriten në pjesën më të madhe të vendit, qeveria po shikon forcimin e rregullave për të ulur infeksionet.

Ndërsa i gjithë vendi është bllokuar, britanikëve u është thënë që të qëndrojnë në shtëpi, të paktën deri nga mesi i shkurtit. Por, mendohet se këto masa mund të qëndrojnë në fuqi deri në fund të marsit.

Disa masa më të rrepta që po shikohen mund të nënkuptojnë ndalimin e daljes, mbylljen e çerdheve, bërjen e detyrueshme të maskave të fytyrës në të gjitha zonat e jashtme të ngarkuara dhe ushtrimet e kufizuara në një orë.