Media zvicerane Blick.ch ka publikuar një lajm të çuditshëm që vjen nga Fahrweid ZH.
Shqiptari Naim Rashiti duke besuar se pandemia e koronavirusit ëstë një komplot i madh, në fillim të shtatorit të vitit të shkuar ka depozituar një ankesë në Gjykatën Administrative kundër këshillit qeveritar të Zyrihut për masat mbrojtëse që u vendosën.
Por kjo rezultoi një bumerang për shqiptarin, pasi gjykata e hodhi poshtë ankesën e tij në fillim të dhjetorit. Për këtë shqiptari duhet të paguajë një faturë prej 4500 frangash.
Por si e argumentonte Rashiti kërkesën e tij? “Në vitin 2019, politikanë, industrialistë, zyrtarë ushtarakë, gjigantë të kompanive teknologjike dhe pronarë të mediave në Zvicër u takuan në Bilderberg për të biseduar me dyer të mbyllura”, e sipas tij në këtë mbledhje mund të ishte planifikuar dhe komploti i madh.
Por teksa e ka publikuar vetë vendimin e Gjykatës, Rashiti ka shkruar se është treguar “naiv” dhe se “i neveritet kur lexon vendimin”.
Rashiti ka shprehur dhe mendimin e tij për maskat duke argumentuar se dobësojnë marrjen e oksigjenit dhe “kanë një efekt negativ placebo tek njerëzit që kanë frikë nga njëri-tjetri e si rezultat sëmuren. Testet e COVID-19 nuk funksionojën fare”.
Por a do të merret Gjykata Federale me çështjen e tij, shtron Blick.ch. Vetë Rashiti është shprehur se nuk do të dorëzohet dhe “nuk kam nevojë të fshihem për drejtësi”.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
