Agostino Rebeku ndonëse u arsimua dhe ushtroi profesionin e mjekut, gjurmë do të linte me krijimtarinë e tij. I lindur 154 vite më parë më 6 janar 1867, në Spezzano Albanese, si autor ka botuar një përmbledhje me vjersha të titulluar “Vjersha malli”, Sofje 1902. Ky ishte një libër me poezi dashurie që, sipas duke ecur sipas traditës së romantizmit kombëtar të kohës, nuk përjashtonte vjersha dashurie për atdheun.

Një variant i kësaj përmbledhjeje i zgjeruar me disa vjersha fetare u shtyp në Kastrovilari më 1917. Ai ishte edhe bashkëpunëtor i rregullt në një numër organesh shtypi të kohës.

Rebeku është edhe autor i një vepre filologjike të kohës “Vestutà della lingua albanese e sua importanza nella spiegazione del mondo anticho”, Valle di Pompei. 1922 (Lashtësia e gjuhës shqipe dhe rëndësia e saj për shpjegimin e botës së lashtë), si dhe i një përkthimi italisht të pjesës melodramatike të Sami Frashërit “Besa”.

Rebeku njihet gjithashtu edhe për kontributin e dhënë për Pavarësinë e Shqipërisë.