Duket se Keidi Bare ka gjetur versionin e tij më të mirë te ekipi Espanjol, teksa klubi katalanas ka fituar pesë ndeshjet e fundit të kampionatit duke u renditur në vendin e parë të klasifikimit.

Mesfushori i kombëtares po aktivizohet me rregullësi, ndërsa së fundmi është pyetur për rëndësinë e tij në skuadër. Por, Bare është treguar “altruist” duke i dhënë atribute edhe pjesës tjetër të lojtarëve.

“Secunda Division është një kategori e vështirë dhe çdo skuadër mund të të bëjë keq. Ne duhet të vazhdojmë dhe të punojmë në këtë mënyrë”.

Rëndësia ime në këtë grup lojtarësh? “Të gjithë janë të rëndësishëm në ekip. E dija para se të vija, se Espanjol është një klub me shumë histori dhe me një tifozeri impresionuese. Jam ndjerë shumë mirë dhe shumë i dashur”.

Ndeshja e radhës ndaj Las Palmës – “Do të jetë një ndeshje shumë e vështirë sepse kanë futbollistë me shumë kualitet. Shkojmë në këtë sfidë me iluzion dhe me përulësi, shpresojmë të marrim tre pikët dhe kështu qoftë”, u shpreh Bare./ VipSport.al

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.