Autori arbëresh Mario Brunetti i ka dhuruar akademisë së shkencave librin e tij monografik “Dje dhe sot- Plataci: Mikrokozmosi arbëresh që dialogon me Europën”.

Libri është një monografi që bën fjalë për ndjesitë, kujtimet dhe gjithë mikrokozmosin e arbëreshëve të sotëm të Italisë.

Mario Brunetti, i njohur edhe si gazetar dhe si përfaqësuesi legjendar i arbëreshëve në Senatin dhe Parlamentin Italian, në dedikimin për Kryesinë e Akademisë së Shkencave përcjell mesazhin e përforcimit të marrëdhënieve mes Shqipërisë e Italisë përmes kërkimit shkencor si më poshtë:

“Kryesisë së Akadamisë së Shkencave, Tiranë
I bindur se roli kërkues i strukturës shkencore të përgatitur, në këtë moment krize të thellë që po kalojmë, që në bazë ka përplasjen organike midis shkencës dhe ekonomisë, mund të jetë mjeti i marrëdhënieve më të mëdha mes Italisë dhe Shqipërisë.
Ju jam mirënjohës për raportin pozitiv të kohëve të fundit mbi temat e mia shkencore, të cilat mund të jenë pika referimi për një thellim të mëtejshëm.
Mario Brunetti”