“Karantinë për vizitorët ndërkombëtare dhe gjobë për ata që nuk respektojnë masat” ky ka qenë vendimi i qytetit të Nju Jorkut, ndërkohë që kryetari Bill de Blasio tha se të gjithë vizitorët urdhërohen të qëndrojnë për 14 ditë në karantinë.

Sipas tij, kushdo që mbërrin nga Mbretëria e Bashkuar do të kontrollohet nga policia për t’u siguruar që ata të respektojnë rregullat.

Ata që i shkelin këto rregulla do të gjobiten me 1 mijë dollarë në ditë, paralajmëroi De Blasio. Rreth 18.4 milionë raste me koronavirus dhe më shumë se 326 000 vdekje janë regjistruar në të gjithë SHBA-në, sipas Universitetit Johns Hopkins.

Qyteti i Nju-Jorkut ishte në epiqendrën e shpërthimit të koronavirusit të Amerikës, në fillim të këtij viti, dhe është bërë përsëri një nga shtetet më të prekura të vendit.

Në një deklaratë, kryebashkiaku de Blasio tha se të gjithë udhëtarët ndërkombëtarë duhet të japin detajet e tyre të kontaktit.

“Ne jemi vërtet seriozë për faktin se nëse shkel karantinën po krijon një rrezik për të gjithë të tjerët. Ne jemi në betejën finale dhe gjithçka që duhet të bëjmë është t’i kalojmë këto festa”, tha z. De Blasio.

Dhjetëra vende, përfshirë gati të gjitha shtetet e BE-së, kanë vendosur kufizime në udhëtimet nga Britania e Madhe, ndërsa qeveritë po përpiqen të frenojnë përhapjen e koronavirusit gjatë periudhës së Krishtlindjes.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group