Pushimet e fundvitit jo vetëm për të takuar të afërmit por dhe për të mbaruar punë nëpër zyrat e vendit të tyre kanë bërë që emigrantët të shpërfillin situatën e krijuar nga pandemia.
Vetëm në portin e Durrësit mëngjesin e të mërkurës mbërritën dy tragete me 600 pasagjerë ndërsa në pikën kufitare të Kakavijës Gjatë 24 orëve të fundit kanë hyrë në territorin shqiptar rreth 1053 emigrantë dhe kanë dalë 403 të tillë.
Sa i përket masave në pikën kufitare të Kakavijës është stacionuar një mjek që ju mat temperaturën dhe këshillon emigrantët që vijnë nga vende ku Covid ka pësuar një mutacion të ri që të karantinohen për 14 ditë.
Ndërkaq dhe nga Kapshtica në vendin tonë kanë hyrë në këto 24 orë rreth 450 shqiptarë.
