Daniel Nikolla është vetëm 27 vjeç dhe prej 7 vitesh tashmë jeton në Britaninë e Madhe ku dhe ka pasur mjaft sukses në fushën e tij.

Kur ishte ende në Shqipëri ishte i apasionuar pas futbollit ndërsa sot është shpallur më i miri në marketing në Birmingam të Britanisë së Madhe.

Lexo edhe : Shqiptari Daniel Nikolla, vlerësohet më i miri në marketing

Danieli rrëfen për Ora News se mbase fakti që është marrë me sport i ka dhënë shtysën dhe në fushat ku ka studiuar. Bachelor-in e përfundoi për media kreative dhe film ndërsa më pas u profilizua në marketing.

Ai u kthye në Shqipëri për një vit por thotë se nuk e sheh të ardhmen e afërt të tij këtu dhe pse lidhjet me vendin i ka të forta dhe vjen shpesh ta vizitojë. “Me Shqipërinë jam shumë i lidhur, sa herë që vij kam kontakte dhe miqtë e mi, 7 vite që jam larguar po lidhjet i mbaj të ngushta. Sa herë që vij takohem me miqtë e mi”, thotë ai.

Duke bërë një krahasim mes tregut të punës në Shqipëri dhe në Britaninë e Madhe Danieli thotë se këtu tregu është më i ngurtë.

“Në Angli është treg shumë i hapur, që jep mundësi çdo personi që ka dëshirë dhe aftësi. Sa më shumë aftësi, më shumë mundësi. Kurse në Shqipëri mund të jetë paksa më i ngurtë, më pak vende pune apo ofertë, po kam përshtypjen prapë nëse shtyn nga njerëz që njoh kanë arritur më shumë gjëra”.

Aktualisht Danieli punon me kohë të plotë në një kompani si menaxher marketingut.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group