Shqiptari Daniel Nikolla është shpallur si shpallet më i miri për shitje, marketing dhe komunikacion në Angli në çmimet vjetore, të cilat organizohen nga Dhoma e Tregtisë së Birmingham-it. Ky është një aktivitet që përzgjedh çdo vit profesionistët e rinj të vitit, bazuar në ecurisë e tyre personale e profesionale në vitet e fundit. Nikolla drejton departamentin e marketingut në kompaninë Angleze “Hardy Signs”.
Juria e vlerësoi mbi të tjerët për prezantimin e një strategjie të re të marketingut bazuar në transformimin digjital dhe krijimin e kontentit online.
Ata u shprehën se Danieli ka pasur një ndikim shumë të madh në rritjen e shitjeve për kompaninë. Ai gjithashtu u vlerësua për punën në komunitet dhe mbështetjen e kauzave filntropike.
Nikolla ka studiuar marketing dhe Film në Londër si dhe ka qenë President i unionit të studentëve të “City” and “Islington College”, ku edhe është përzgjedhur si “International student of the year” nga kolegjet e Anglisë në 2016.
Fillimisht ai u bë i njohur për publikun e gjerë shqiptar prej përfshirjes në videon e UEFA-s për tifozët kuqezi në “Euro2016”.
Ai ka qenë finalist dhe ka fituar një seri çmimesh ndër vite, dhe në 2016-ën u vlerësua për “Arritje të jashtëzakonshme” nga Bashkia Islington në Londër. / Tema