Këngëtari shqiptar, Jon Tarifa, jeton dhe punon në Hollandë. Në një intervistë, Joni tregon për karrierën, kompozimin e fundit dhe situatën në vendin ku jeton. Artisti shqiptar përveç muzikës ka si profesion dhe marketingun.

“Unë kam mbaruar studimet e larta për Marketing dhe punoj prej 10 vitesh në një organizatë ndërkombëtare në Hollandë, ndërsa me muzikë merrem prej 20 vitesh dhe i ushtroj të dyja profesionet në të njëjtën kohë.”- është shprehur Tarifa për emisionin “Vizioni i Pasdites”.

Këngëtari shqiptar tregon gjithashtu se ku u frymëzua për këngën më të fundit “Don’t think about tomorroë”. “Këtë vit do shkonim në Bari të Indonezisë, mirëpo pandemia nap rishi të gjitha planet dhe nga kjo situatë u frymëzova për këngën, sepse ne nuk dim se çfarë mund të ndodh nesër. Albumin e kam realizuar në Sardenjë të Italisë dhe i gjithë klipi ishte thjeshtë ideja e një aventure dhe kështu u realizua edhe klipi. Një projekt pa shumë kosto sepse çdo gjë e bëmë ne të katërt.”

Duke folur për familjen e tij ai tregon se ndihet me shumë fat: “E ndjej veten me shumë fat që kam në krah bashkëshorten dhe vajzën dhe karantina më ka ndihmuar të njoh më mirë vajzën time, kam parë nga afër rritjen dhe zhvillimin e saj.”

“Deri në mes të janarit jemi “lockdoën”, restorantet, baret, palestrat, shkollat janë mbyllur. Mund të dalim në ambiente të hapura ku çojmë vajzën të luaj”, shprehet muzikanti Tarifa për situatën pandemike.

Tarifa u shpreh se javën e shkuar ka përfunduar xhirimet për një këngë të re me titull “Sloë down” që beson do lançohet në janar ose shkurt 2021.