Prodhuesi i vetëm i pavarur europian i makinave me bateri elektrike Next.e.GO Mobile SE do të nisë prodhimin në fabrikën e saj kryesore në Gjermani në fillim të vitit 2021.

Ndërkaq, Greqia bëhet vendi i parë që është zgjedhur për prodhimin pas një marrëveshje të firmosur mes Next.e.GO Mobile SE dhe Enterprise Greece.

Por pas këtij investimi në Greqi qëndron familja e njohur shqiptare Destani.

Lazim Destani emigroi në Gjermani në vitin 1970 dhe sot, 50 vjet më vonë është një ndër familjet më të pasura shqiptare. Lazimi është një biznesmen, filantrop dhe mbështetës i fuqishëm i komunitetit shqiptar.

Një pjesë të fitimeve të tij çdo vit ai e shpërndan për bamirësi, duke mbështetur programe kulturore dhe arsimore, si dhe ato të mjedisit.

Ndër kompanitë më të njohura të familjes Destani është Ecolog International, një nënkontraktor për misionet paqeruajtëse në të gjithë botën. Themelues i saj është djali i biznesmenit shqiptar, Nazif Destani i cili gjithashtu është aksioner kryesor i kompanisë ND GRoup, e cia synon të ndërtojë makina elektrike në Greqi përmes filialit të Next.e.GO Mobile SE.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.