Sulmuesi i Shqipërisë Bekim Balaj shënoi njërin nga golat e fitores së ekipit të tij Sturm Graz ndaj Sent Poltenit 3-0 në javën e 11-të të Bundesligës Austriake.

29-vjeçari po kalon një formë mjaft të mirë në Austri teksa ka shënuar 3 gola në 4 ndeshjet e fundit të kampionatit.

Sturm Graz renditet me 23 pikë pas 11 javësh me një pikë më pak se kampionët në fuqi të Salzburgut.

Këtë edicion Bekim Balaj ka shënuar me Sturm Grazin 7 gola.

Balaj filloi karrierën e tij ndërkombëtare me ekipin nën-19 në vitin 2008, kurse dy vite më vonë luajti edhe me ekipin nën-21. Ai debutoi me kombëtaren e të rriturve në vitin 2012 dhe luajti një rol të rëndësishëm në fushatën e suksesshme kualifikuese të Shqipërisë për UEFA Euro 2016, duke shënuar një gol spektakolar në ndeshjen e parë ndaj Portugalisë. Ai u zgjodh për finalet e turnamentit, duke bërë debutimin në ndeshjen e tretë të grupit A kundër Rumanisë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.