Shteti i Viktorias në Australi ka nisur të pranojë udhëtarë të kthyer nga jashtë vendit. I gjithë operacioni ishte ndërprerë në qershor pasi numri i të prekurve me COVID-19 në Viktoria u rritën në mënyrë të dukshme.

Për të shmangur një përsëritje të saj është ngritur një agjenci e posaçme e cila ka nisur mbikqyrjen e plotë të programit të ri.

Jashtë vendit janë 46 mijë australianë të bllokuar që presin të kthehen në atdheun e tyre.

Kjo javë solli zhgënjim për shkencëtarët e universitetit të Queensland që po punonin për zhvillimin e një vaksine kundër virusit korona.

Vaksina pati rezultate premtuese në provat e hershme po nuk do të vazhdojë në fazën tjetër pasi disa pjesëmarrës në këtë vaksinë erdhën me rezultate pozitive ndaj virusit të SIDA-s.

Një fakt i tillë shkaktoi shqetësime se njerëzit do të humbnin besimin në sigurinë e kësaj vaksine.

Viktoria hoqi rregullat për mbulimin e fytyrës me maskë. Tani përdorimi i maskave kërkohet vetëm në transporte publike, dyqane e mjedise ku është vështirë të ruhet distanca fizike.

“Të gjithë duhet të mbajnë maskë vetëm nëse kanë përjashtim mjekësor. Do ta rishikojmë këtë rregull në janar”, u shpreh kryeministri australian.

Administrata e terapisë tha se nuk do të ndërmarrë asnjë vendim në lidhje me vaksinën e COVID-19 deri në fund të muajit tjetër. Përfaqësuesi i kësaj organizate tha se Australia do të marrë të dhënat nga Mbretëria e Bashkuar e cila tashmë e ka aprovuar përdorimin e vaksinë Pfizer në mënyrë urgjente.