Spanja ka ndryshuar disa rregulla për të hyrë në territorin e saj. Siç bën të ditur dhe ambasada e Shqipërisë në Spanjë, qytetarët nga Shqipëria që duan të shkojnë atje mund të paraqesin në kufi dhe testin antigjen (TMA) të formuluar në gjuhën spanjolle, gjermane, britanike dhe franceze brenda 72 orësh.

Para udhëtimit qytetarët duhet të regjistrohen në Spain Travel Health (spth.gob.es). Ndërkaq testi nuk kërkohet për fëmijët nën 6 vjeç.

Siç bëjnë të ditur autoritetet spanjolle duhet një dokument që vërteton se PCR, pra tamponi, apo TMA, testi i antigjenit ka dalë negativ dhe duhet të jetë në origjinal, i shkruar në spanjisht, anglisht, frëngjisht ose gjermanisht, në formë letre ose elektronike dhe duhet të përmbajë të paktën emrin dhe mbiemrin e udhëtarit, pasaportën ose numrin e identitetit, datën e testit detajet e identifikimit dhe kontaktit të qendrës së provës.

Për qytetarët që nuk vijnë nga vendet apo zonat e rrezikut por që ekziston dyshimi se mund të jetë i infektuar i bëhet testi nga autoritetet spanjolle.