Duke sfiduar pandeminë COVID-19, shumë yje botërorë arritën të futeshin në studio dhe të regjistronin muzikë.
Kur bota u vendos në karantinë në fillim të këtij viti ndërsa u përhap pandemia COVID-19, pothuajse dukej sikur muzika do të ndalonte gjithashtu. Por fatmirësisht, këta artistë u kthyen në studio, duke përdorur karantinën si një kohë për të zhbllokuar edhe më shumë kreativitet.
Revista e njohur “People” ka zgjedhur 10 albumet më të mira dhe të suksesshme të vitit, ku të parin kanë vlerësuar albumin “Future Nostalgia” të artistes shqiptare, Dua Lipa.
E lumtur për këtë sukses, Dua Lipa rishpërndau në “InstaStory” disa imazhe të miqve të saj, të cilët krenoheshin me suksesin e saj. “Future Nostalgia” u publikua në muajin mars dhe është albumi më i dëgjuar i një artisteje femër për këtë vit në platformën më të madhe të muzikës në botë, “Spotify”.