Teresa Deda jeton në SHBA bashkë me familjen e saj dhe është pjesë e ekipit New Rochelle në New York ku ndonëse luan në rolin e mesfushores, spikat edhe si golashënuese. Ajo ështe votuar si futbollistja më e mirë në të gjithë Amerikën për grupmoshën U18.

Teresa është grumbulluar disa herë nga ekipet kombëtares të moshave të Amerikës. Teresa Deda ka arritur të shënojë 57 gola dhe 25 asistime nga afër. Ajo më parë ka rënë në sy në fushë sepse bënte shumë kilometra dhe kërkesat për të kanë qenë të shumta, këtë gjë e ka konfirmuar dhe trajneri i saj.

“Nuk pritej që ajo të ishte golashënuesja më e mirë sepse gjithmonë ka spikatur për aftësitë e saj në fushë për vrapim në distancë. Shumë ekipe më kanë kontaktuar dhe kanë bërë oferta për Teresan. Në fillim ajo vrapoi shumë, gjë që i solli dhe shumë oferta, por më pas nuk munguan dhe golat sepse Teresa është e talentuar”, thekson trajneri i saj Francesco Notaristefano.

Prindërit e Teresës janë larguar në fillim të viteve ’90 nga Shkodra në SHBA.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.