Ambasada e Republikës së Shqipërisë në Itali njofton të gjithë shtetasit shqiptarë për ndryshimet në mënyrën e aplikimit për dokumenta.

Sipas njoftimit të gjitha aplikimet për pasaportë dhe kartë identiteti, si dhe shërbimet e tjera konsullore, duhet të kryhen përmes portalit e-Albania.

Takimi për ccdo shtetas do të caktohet përmes adresës tuaj të e-mailit. “Jeni të lutur të kontrolloni postën tuaj elektronike, adresën e së cilës e keni deklaruar gjatë plotësimit të aplikimit online në portalin e-Albania, pasi mesazhi elektronik dërgohet automatikisht aty nga sistemi. Të gjithë personat që, për çfardo arsye kanë humbur takimin e caktuar, janë të lutur të kontaktojnë përmes e-mailit në adresën e personit që ndodhet në fund të komunikimit që keni marrë me email”, shkruhet në njoftimin e Ambasadës.

Shtetasit shqiptarë që kanë aplikuar për pasaportë dhe kartë identiteti, pasi të jenë siguruar përmes njoftimeve zyrtare që pasaporta është gati, mund të paraqiten në Zyrën Konsullore për ta tërhequr atë çdo ditë, nga e hëna në të premte, me orarin 11:00-13:00. Në alternativë, mund të kërkojnë tërheqjen përmes korrierit, sipas udhëzimeve.