Rumania mbajti zgjedhjet parlamentare më 6 dhjetor 2020. Alin Bogdan Stoica përfaqësuesi i shqiptarëve në Parlamentin e Rumanisë ka fituar një mandat të dytë në këto zgjedhje.

Rezultati i këtyre zgjedhjeve siguron vijimësinë e përfaqësimit parlamentar të organiztës Lidhja e Shqiptarëve të Rumanisë.

“Shoqata lidhja e Shqiptarëve të Rumanisë ka arritur në këto zgjedhje një rezultat të jashtëzakonshëm gjë që na nderon e në të njëjtën kohë na vë para përgjegjësisë. Dua të falenderoj secilin prej jush për përpjekjet e bëra për të shkuar në qendrën e votimit, sidomos në këtë periudhë të vështirë që po kalojmë. Në mënyrë të veçantë dua të falenderoj komunitetin shqiptar por dhe të gjithë shtetasit rumun që na bëjnë më të përgjegjshëm me votën e tyre. Dua tju sigurojë se në katër vitet e ardhshme do të ruajmë nivelin e lartë të veprimtarive kulturore që ne zhvillojmë dhe se do të çojmë më tutje ashtu siç e kemi bërë zakon projektet tashmë të filluara”, është shprehur ai në mesazhin pas fitores.

Ky është mandati i dytë për politikanin Alin Bogdan Stoica.