Ambasada e Kosovës në Norvegji njofton se shërbimet konsullore do të nisin të ofrohen në selinë e saj në Oslo.
Sipas ambasadës pas një pune intensive dhe konsolidimit të brendshëm, gradualisht do të nisë ofrimi i shërbimeve konsullore në Ambasadë duke filluar nga dita e hënë, datë 7 dhjetor 2020.
Do të niset me dy shërbime atë të fletudhëtimit, dokument që lëshohet në rast të humbjes së pasaportës, dhe lejekalimi të të vdekurve.
NJOFTIMI I PLOTE
Informatë nga Ambasada e Republikës së Kosovës në Norvegji, Oslo!
Kemi kënaqësinë të ju njoftojmë që pas një pune intensive dhe konsolidimit të brendshëm, ashtu si është premtuar, gradualisht do të fillojmë me ofrimin e shërbimeve konsullore në Ambasadën e Republikës së Kosovës në Oslo.
Fillimisht, duke filluar nga dita e hëne – datë 7.12.2020, do të fillojmë me ofrimin e dy shërbimeve, dhe lëshimin e këtyre dokumenteve:
1. Fletëudhëtimi
Ky dokument lëshohet në rast të humbjes së pasaportës së Republikës së Kosovës, dëmtimit, skadimit të afatit apo raste të tjera urgjente.
Fletëudhëtimi vlen vetëm një muaj nga data e lëshimit dhe vlen vetëm për udhëtim njëdrejtimësh në relacionin Oslo – Prishtinë.
2. Lejekalim i të vdekurve
Ambasada e RKS lëshon vetëm dokumentin për lejekalimin e personave të vdekur (pas plotësimit të dokumenteve të kërkuara), ndërsa të gjitha përgjegjësitë tjera i takojnë kompanive për transport të kufomave që nga organizimi e deri tek bartja në Kosovë.
Për të gjitha kërkesat tuaja, duke përfshirë edhe informatat në lidhje me dokumentet që duhet plotsuar për pajisje me këto dokumente, drejtohuni në emailin zyrtar të Ambasadës së RKS në Oslo: [email protected], apo në numrin e telefonit +4746847160.
Gjatë vitit të ardhshëm, varësisht nga vendimet e Ministrisë së Punëve të Jashtme dhe Ministrisë së Punëve të Brendshme të RKS, si dhe krijimit të kushteve objektive (hapja e kufijve dhe liria e lëvizjes), do të vazhdojmë me zgjerimin e shërbimeve konsullore që do ti ofrojmë në Ambasadën e RKS në Oslo.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
