Reperja shqiptare Loredana Zefi ka korrur sukses në Gjermani me këngët e saj. Këtë vit ajo është shpallur artistja më e dëgjuar në “Spotify” dhe “Youtube”. Lajmin e ka bërë të ditur vetë Loredana në llogarinë e saj në Instagram, duke treguar me krenari këtë arritje që do të thotë shumë për karrierën e saj.

Pavarësisht dramave të jetës personale, Loredana po e mbyll vitin 2020 me një sukses të jashtëzakonshëm.

Loredana është një ndër reperet gjermanisht-folëse më të njohura në Zvicër e më gjerë. Ajo ka lindur në 1 shtator 1995 në Lucern të Zvicrës nga një familje me origjinë nga Ferizaj i Kosovës.

Së shpejti publikohen tre pjesët e tjera të dokumentarit të reperes, ndërkohë që në pjesën e tij të parë tregoi se ajo dhe Mozzik janë sërish bashkë, këtë herë më të fortë se kurrë.