Bullgaria ka vendosur të mbyllë përkohësisht kufirin e saj masë që do të jetë e vlefshme deri më 31 janar të vitit të ardhshëm.
Urdhri është dhënë nga ministri i Shëndetësisë, Kostadin Angelov.
Në këtë urdhër thuhet se mbyllja bëhet për të gjithë njerëzit pavarësisht nga kombësia e tyre dhe për të gjitha pikat kufitare nga ajri, deti, hekurudha apo toka.
Shqipëria hyn në ato vende të cilat personi që udhëton do të duhet të ketë testin me rezultat negativ për COVID-19.
Ndërkohë që urdhri nuk zbatohet për shtetasit bullgarë, shtetas të vendeve anëtare të BE-së, Mbretërisë së Bashkuar, vendeve Shengen (përfshirë San Marinon, Andorrën, Monakon dhe Qytetin e Vatikanit); shtetas të Australisë, Kanadasë, Gjeorgjisë, Japonisë, Zelandës së Re, Ruandës, Koreve, Tajlandës, Tunizisë, Uruguajit, Emiratet e Bashkuara Arabe, Ukrainës, Maqedonisë Veriore, Serbisë, Shqipërisë, Kosovës, Bosnjës, Hercegovinës, Malit të Zi, Moldavisë, Izraelit, Kuvajtit, Bjellorusia dhe Turqia; njerëzit me status të përhershëm ose qëndrim afatgjatë në territorin e Bullgarisë dhe anëtarët e familjeve të tyre; personat që mbajnë një vizë bullgare për qëndrim të gjatë tipi “D”, si dhe personat që mbajnë një leje qëndrimi në një Shtet Anëtar të Bashkimit Evropian, Mbretërinë e Bashkuar ose në një vend Shengen dhe anëtarët e familjes së tyre.
Gjithashtu ndalimi nuk zbatohet për profesionistët mjekësorë, punonjësit socialë, personelin e transportit, zyrtarët e vendit, njerëzit që udhëtojnë për arsye humanitare, personelin ushtarak, punëtorët sezonalë të bujqësisë dhe turizmit, punonjësit e kufirit etj.
Ndërsa të gjithë njerëzit që lejohet të hyjnë në vend dhe që vijnë nga Shtetet Anëtare të Bashkimit Evropian, Mbretëria e Bashkuar, nga vendet e Shengenit, Bashkimi Australian, Kanada, Gjeorgji, Japoni, Zelandë e Re, Ruanda, Kore, Tajlandë, Tunizi, Uruguaj, Shtetet e Bashkuara Emiratet Arabe, Serbia dhe Turqia do të pranohen në territorin e Bullgarisë pa pasur nevojë të paraqesin një dokument që tregon një rezultat negativ nga një test COVID-19.
Ndërsa të gjithë të tjerët do të duhet të tregojnë dokumentin me rezultatin negativ të COVID-19 të kryer brenda 72 orësh. Ky dokument duhet të përmbajë emrin e personit,t ë dhënat në lidhje me laboratorin ku ka kryer testimin, datën kur ka kryer testimin, metodën PCR dhe rezultatin negativ të shkruar në latinisht.
Ndërkaq, për qytetarët bullgarë dhe personat me status të përhershëm qëndrimi ose afatgjatë në Bullgari që udhëtojnë nga një vend i tretë do të duhet të paraqesin një dokument që tregojnë rezultatin negativ dhe të karantinohen për 10 ditë.
