Hora e Arbëreshëve ka uruar ditën e Pavarësisë për të gjithë shqiptarët.
Të mbledhur para shtatores së heroit tonë kombëtar Gjergj Kastrioti Skënderbeu dhe me flamurin shqiptar kreu i komunës së Horës së Arbëreshëve, Rosario Petta uron festën.
“Gëzuar 28 Nëntorin, festën e Pavarësisë dhe të flamurit Shqiptar, nga Arbëreshët e Horës e Arbëreshëvet”, është urimi i tyre.
Hora e Arbëreshëvet është një qytezë arbëresh me 6.427 banorë në Krahinën e Palermos, të rajonit të Sicilisë në Itali.
Ajo njihet si kryeqytet i arbëreshëve, një nga bashkësitë më të mëdha të komuniteteve historike shqiptare të Italisë, qendra më e rëndësishme dhe më e populluar e arbëreshëve të Sicilisë.