Ministri i Punëve të Jashtme të Zvicrës Ignazio Cassis gjatë vizitë së tij zyrtare në Shqipëri ka parë nga afër dhe shtëpitë e rinovuara në Shijak me mbështetjen zvicerane, pjesë e bashkëpunimit për rimëkëmbjen pas tërmetit.
Ai ka qenë i shoqëruar nga ministri shqiptar për Rindërtimin Arben Ahmetaj.
“Ndihma nga Zvicra po shkon tek njerëzit në nevojë. Megjithatë ne duam më shumë – ne duam të reduktojmë rrezikun e dëmtimeve të tilla në afatin e gjatë”, është shprehur Ministri Zviceran i Punëve të Jashtme Ignazio Cassis.
Aktualisht 228 shtëpi në Shijak po përfitojnë nga granti zviceran prej 1.4 milion CHF për rinovimin e shtëpive dhe përmirësimin e gatishmërisë si pjesë e zotimit zviceran prej 10.2 milion CHF.