Prej kësaj të hëne, 23 nëntor, Spanja do të kërkojë tamponin negativ me COVID-19 për të gjithë ata që do të duan të hyjnë në vend qoftë me avion apo nga deti. Ky tampon duhet të jetë bërë 72 orë para mbërritjes së tyre.
Mediat në Spanjë bëjnë të ditur se lista e vendeve nga të cilat do të kërkohet tamponi do të përditësohet çdo dy javë dhe bëhet fjalë për 65 vende.
Në këtë listë përfshihet dhe Shqipërisë, ndërsa shtet të tjera janë Gjermania, Austria, Belgjika, Bullgaria, Çekia, Qiproja, Danimarka, Sllovenia, Estonia, Franca, Greqia (përveç rajoneve Kitri, Ionia Nisia, Dytiki Ellada dhe Sterea Ellada), Hungaria, Irlanda, Islanda, Italia, Letonia, Lituania, Luksemburgu, Malta, Norvegjia (përveç rajoneve të Rogaland, Møre og Romsdal, Nordland, Viken, Innlandet, Vestfold dhe Telemark, Agder, Vestland, Trøndelag dhe Troms og Finnmar), Holanda, Polonia, Portugalia (Përveç rajonit autonom të ishullit të Azores), Rumania, Suedia, Lihtenshtejni, Sllovakia, Andorra, Argjentina, Armenia, Aruba, Bahreini, Belize, Bosnja dhe Hercegovina, Kepi Verde, Kolumbi, Kosta Rika, Emiratet e Bashkuara Arabe, Shtetet e Bashkuara, Federata Ruse, Gjeorgjia, Gjibraltari, Guam, Jordania, Kuvajti , Libani, Libia, Maqedonia e Veriut, Maroku, Moldavia, Monako, Mali i Zi, Palestina, Panama, Polinezia Franceze, Porto Riko, Mbretëria e Bashkuar, San Marino, Shën Martin, Serbia, Zvicra, Tunizia dhe Ukraina.
Sipas masave që hyjnë në fuqi këtë të hënë përveç kontrolleve që kryen aktualisht për udhëtarët ndërkombëtarë në pikat e hyrjes, janë matja e temperaturat dhe kontrolli i dokumenteve. Në aeroporte do të ketë një zyrë kontrolli ku lexon “Autoriteti i shëndetit të të huajve” ku do të jenë të ngarkuar të marrin tamponin e sjellë nga udhëtarët.
Ata që nuk do të kenë përgjigjen negative me vete të tamponit PCR mund të gjobiten nga autoritetet e Shëndetit publik deri në 600 mijë euro për shkelje të rënda, ndërsa nga 3 mijë euro në raste të tjera. Ata që nuk e sjellin me vete testi e bërë do të duhet të bëjnë testin e antigjenit vetë në aeroport, ku do të marrin rezultati pas një periudhe afërsisht një orë.
Në formularin e mëparshme për pasagjerët është shtuar edhe pyetja nëse e kanë bërë tamponin në 72 orët e fundit. Një dokument që duhet të jetë origjinal i shkruar në Spanjisht dhe anglisht në formë letre ose elektronike.
