Greqia vendosi të mbyllë këtë të premte pikën kufitar të Kapshticës me Shqipërinë, ndërsa kalimi nga pikat e tjera kufitare do të vijojë normalisht.
Ambasada shqiptare në Athinë bën të ditur dhe oraret e lëvizjes nga Kakavija dhe kush mund të hyjë dhe të dalë në shtetin grek. Ky kufizim do të jetë deri më 4 dhjetor.
MESAZHI I PLOTË
Nisur nga njoftimi zyrtar i Autoriteteve të Policisë Greke në PKK Kapshticë, që prej datës 20.11.2020 ora 06:00 deri në datë 04.12.2020 ora 23:59, Pika e Kalimit Kapshtice do të jetë TOTALISHT e MBYLLUR për këmbësorët, automjetet, autobusët dhe kamionët si në hyrje ashtu dhe në dalje të Greqisë!
1. Ndalohet kalimi në PK Kapshticë. Kushdo që do hyjë nga kjo pikë në territorin grek deri në (20.11) në orën 6:00 duhet të vetëkarantinohet 1 javë.
2. Lejohet kalimi i njerëzve, automjeteve, kamionëve në Kakavijë. Vetekarantinim i detyrueshëm 1 javë pavarësisht shtetësisë. Penalitete: 5000€ në rast shkelje.
3. Orari i lëvizjes në Kakavijë 7:00- 23:00. Limiti 750 persona.
4. Kush hyn në Greqi për nevoja absolute pune dhe del nga territori i saj, nuk ka mundësi më të hyjë deri në përfundim të afatit të vendimit.
4. Afati i vendimit 20.11- 4.12.2020
