Qeveria greke po shqyrton alternativat për heqjen e “lockdown” që u shpall javën e kaluar dhe masat kufizuese mbeten në fuqi të paktën deri në 30 nëntor.

Zëdhënësi i qeverisë greke Stelios Pesas tha të mërkurën se mendohet që lockdown të mos hiqet menjëherë por me disa faza, ashtu siç u bë dhe në pranverë.

Sipas tij në fazën e parë do të hapen njësitë e tregtisë me pakicë dhe shkollat ku nuk paraqitet një ngarkesë e shtuar epidemiologjike. Në vazhdim sipas tij do të hapen kafet dhe restorantet. Zëdhënësi Pesas sqaroi se ende nuk është realizuar grafiku për heqjen e “lockdown” dhe besoj se kjo do të bëhet pasi të vlerësohet situata.

Ai shpreson që deri në fund të muajit të ketë një stabilitet të numrit të rasteve të reja dhe shtoi se pas fundjavës në të cilën ndodhemi pritet që të ketë një rënie në pikjatë të infeksioneve të reja.

Pastaj do të vlerësohet situata me qëllim që gradualisht të zhvillohet plani aksionit për heqjen e “lockdown”-it