Një mesazh inkurajues vjen nga Franca për kombëtaren shqiptare në sfidën e tyre vendimtare ndaj Bjellorusisë ku duhet patjetër të fitojnë.
Ish sulmuesi i famshëm i kombëtares, Edvin Murati u kërkon futbollistëve të luajnë me dëshirë e me zemër duke shpresuar në një fitore. Mesazhi i tij është shpërndarë nga Federata Shqiptare e Futbollit.
MESAZHI I EDVIN MURATIT
Mesazhi i Muratit për Kombëtaren para Bjellorusisë: Luani me zemër!
Ish-mesfushori i njohur i Kombëtares shqiptare, Edvin Murati ka vlerësuar ndeshjen e kuqezinjve ndaj Kazakistanit .
Në një mesazh të posaçëm për FSHF.org, ai u kërkon djemve që të luajnë me zemër në ndeshjen kundër Bjellorusisë dhe të arrijnë një rezultat pozitiv, që do të na rendiste në krye të grupit 4 të Ligës C në Nations League.
“Mirëdita të gjithëve! Ju përshëndes nga Franca. E ndoqa Kombëtaren në ndeshjen me Kazakistanin dhe më pëlqeu shumë. Shënoi tre gola, 2 gola nga sulmuesit dhe mbrojtja ishte shumë e mirë. Tani për ndeshjen me Bjellorusinë shpresoj që të kalojë mirë.
Një mesazh kisha për çunat, që të luajnë me dëshirë, me zemër dhe shpresoj me një rezultat shumë pozitiv. Ju përshëndes të gjithëve dhe së shpejti edhe me një fitore. Mirupafshim!”- shprehet Murati në mesazhin e tij.
