Ambasada shqiptare në Madrid bën të ditur se duke nisur që nga 23 nëntorit udhëtarëve që mbërrijnë në Spanjë do t’u kërkohet të kenë një test negativ PCR deri në 72 orë para hyrjes.

Aktualisht udhëtarëve drejt Spanjës u matej temperatura dhe kontrolli vizual.

“Kjo masë i shtohet kontrolleve shëndetësore që po kryhen aktualisht për të gjithë udhëtarët ndërkombëtarë në pikat e hyrjes, si kontrolli i temperaturës dhe kontrolli vizual”, thuhet në njoftim.

Brenda Formularit të Kontrollit Shëndetësor që çdo pasagjer duhet të plotësojë, tani e tutje do të shtohet dhe kërkesa nëse ata kanë kryer një test PCR negativ brenda 72 orëve para mbërritjes në Spanjë.
“Dokumenti duhet të jetë origjinal, i shkruar në Spanjisht ose Anglisht dhe mund të paraqitet në format letre ose elektronik”, thotë më tej ambasada.

Më herët Spanja ka bërë të ditur se zgjat gjendjen e emergjencës deri më 9 maj 2021, çka do të thotë se lejohet qarkullimi për rastet si ndihma dhe produkte mjekësore, mbikëqyrje mjekësore në qëndrat spitalore, veterinaria ne rast urgjence, levizjet e detyrueshme në pune, biznese etj, kthimi ne vendbanime pas orarit të punës, ndihmë në qëndrat e të moshuarëve, fëmijëve, persona me aftësi të kufizuara.

Në Spanjë mbetet në fuqi kufizimi i orarit në orët e natës duke nisur nga ora 23:00 deri në 06:00. Nuk lejohet qarkullimi ne rastet e mëposhtme:

a) Kufizimet e hyrjes dhe daljes nga territoret e bashkësitë autonome dhe qytetet me statusin e autonomisë,

b) kufizimit të qëndrueshmërisë së grupeve të njerëzve në hapësirat publike dhe private jo më shumë se 6 veta.