Ylli i muzikës pop Dua Lipa në vitin 2018 u bë virale me një video të performancës së saj të kërcimit.

Këngëtarja foli hapur në lidhje me videon në fjalë gjatë një interviste të fundit për Revistën “Attitude”, ku ajo pranoi se “luftoi” me shëndetin e saj mendor pas talljes që iu bë në internet. “Unë e kam provuar ngacmimin kur publikova albumin tim të parë dhe ishte padyshim diçka që më dha ankth dhe më bëri të mërzitem dhe më bëri të ndjehem sikur nuk isha mjaft e mirë dhe më bënte të ndihesha si: “Mbase nuk jam menduar mirë për të qenë këtu dhe në skenë”, tregoi shqiptarja Dua Lipa.

Edhe pasi videoja e vallëzimit u bë virale, këngëtarja shqiptare fitoi dy çmime “Grammy” për “Artisten e re më të mirë” dhe “Këngën më të mirë ritmike” në vitin 2019, megjithëse kishte ende persona që dyshuan tek ajo.

“Edhe pas Grammy-t, disa njerëz ishin si: ‘Epo, ajo nuk e meriton atë’”, tregon Dua. Ajo mendoi se një video satirike në internet i dha asaj një reputacion të keq, ndërsa të tjerët filluan të vinin në dyshim praninë e saj në skenë.

“Kishte kaq shumë gjëra, veçanërisht kur fillon, si një video me mua duke kërcyer dhe ata janë si: ‘Ah mirë, ajo nuk ka asnjë prani skenike’ – por ata kurrë nuk do të kishin qenë në një nga shfaqjet e mia, ata nuk më kanë parë të interpretoj’”, ka thënë këngëtarja shqiptare.

“Për një periudhë të shkurtër kohore, kjo gjë ngatërroi shëndetin tim mendor. E dini, unë ngjitesha në skenë dhe nëse dikush do të më xhironte, në kokën time unë isha duke thënë: ‘Oh, ata po më filmojnë sepse ata duan ta mbajnë atë video’. Isha si: ‘Ata do ta filmojnë në mënyrë që të mund të qeshin me mua ose diçka tjetër’”, tha ajo.