Konsullata e Përgjithshme e Republikës së Shqipërisë në Milano ka njoftuar ndërprerjen e shërbimeve deri më datë 3 dhjetor 2020. Vendimi është marr në zbatim të Dekretit të Kryeministrit Italian Giuseppe Conte i firmosur në dt. 03.11.2020 i cili ka hyrë në fuqi sot në dt. 06.11.2020.

Konsullata bën të ditur se shërbimi me postë nuk do të ndërpritet, si dhe shërbimi për rastet urgjente.

Shtetasit shqiptarë që kanë të caktuar takim për pasaportë dhe kartë id, do të njoftohen me e-mail për datën e re të takimit, sapo situata të normalizohet dhe të fillojë sërish lëvizja e lirë nga një qytet në tjetrin si dhe hyrja në Lombardi, rajon i konsideruar si zonë e kuqe.

Konsullata thekson faktin se duhet kontrolluar vazhdimisht profilin zyrtar në Facebook të Kosullatës dhe faqen zyrtare në web për njoftime të reja.

Konsullata i bën thirrje qytetarëve shqiptar të ndjekin me përpikmëri dhe rigorozitet të gjitha udhëzimet e Qeverisë Italiane me qëllim ndalimin e përhapjes së virusit Covid-19.