Një javë më parë, pas shumë muajsh heshtje dhe pritjeje, Opera Kombëtare greke ngriti siparin për operan “Madam Butterfly”, me protagoniste sopranon shqiptare Ermonela Jaho.

Një interpretim mbresëlënës që ju ofruar publikut ishte ai sopranos shqiptare të cilën përfaqësues të operas kombëtare të Greqisë e cilësuan si një “performancë tronditëse”.

Tashmë shfaqjet vijojnë nën respektimin rigoroz të masave anti-covid.

Pas një pauze shumë të gjatë për shkak të pandemisë Ermonela Jaho u shpreh se kontakti me publikun është shumë i rëndësishëm. Në një intervistë për “EuroNews” pak ditë pas rikthimit në skenë Jaho tha se ndihet e emocionuar sa herë që ka publik përballë që e shikon duke kënduar, qoftë ky edhe një person i vetëm.

“Para dhe pas çdo shfaqje unë jam e përlotur, sepse ndihem kaq me fat që jam sërish në skenë dhe e puth skenën sa herë marr duartrokitje, sepse mendoj: Oh Zot mos është hera e fundit! Mos ndoshta hera tjetër do të jetë pas një kohe të gjatë! Dëshira është që salla të jetë plot me njerëz dhe të ndjesh atë energjinë e tyre, por në këto kushte mjafton dhe një person i vetëm, i cili të ndjek, me të cilin ke atë kontaktin fizik sy më sy është një fitore e madhe”, shprehet shqiptarja Ermonela Jaho.