Shqiptarja Valentina Ndou do të jetë anëtarja me e re e Këshillit Akademik të Ri Ndërkombëtar të Institutit të Forumit Botëror të Turizmi (WTFI).
Njoftimi është bërë në faqen zyrtare të institucionit, një nga më të mëdhenjtë në botë.
Valentina Ndou, është studiuese dhe Profesoreshë në Departamentin e Inxhinierisë së Menaxhimit në Universitetin e Salento (Itali). Hulumtimi i saj specializohet në analizimin e tendencave të menaxhimit të inovacionit dhe efektivitetin e sistemeve të informacionit me theks të veçantë në zgjidhje dhe qasje të reja për turizëm të zgjuar, eBiznes, edukimin e sipërmarrjes dhe menaxhimin e njohurive.
“Mezi pres të bashkëpunojmë me anëtaren tonë më të re të Këshillit Akademik Ndërkombëtar pasi WTFI riformulon ekonomitë përmes turizmit,” tha Bulut Bağcı, Presidenti dhe themeluesi i WTFI.
Kush është Valentina Ndou
Valentina Ndou, pas mbarimit të studimeve të doktoratës në ‘eBusiness’ me tezën mbi ‘Krijimin e vlerës nga Rrjetet e Turizmit’ u emërua si studiuese dhe pedagoge në Universitetin e Salentos. Që nga viti 2005 ajo ka dhënë mësim në disa kurse master dhe doktoraturë në “Scuola Superiore ISUFI”.
Ajo është anëtare e fakultetit dhe mentore në laboratorin e kontaminimit “Unisalento”.
Ajo ka botuar një numër të madh artikujsh dhe kapitujsh të librave të shqyrtuar nga kolegët, të cilët janë shfaqur shpesh në revista ndërkombëtare.
Ajo është e përfshirë në mënyrë aktive në kërkime, arsim dhe menaxhim të projekteve, në nivel kombëtar dhe ndërkombëtar, në bashkëpunim me kompani udhëheqëse në mbarë botën, universitete dhe qendra kërkimore. Ajo është edhe menaxhere e projektit NEST – Rrjetëzim për turizëm inteligjent, Itali-Shqipëri-Mali i Zi,.
Instituti i Forumit Botëror të Turizmit (WTFI) po riformulon ekonomitë përmes zhvillimit të turizmit. WTFI punon për të maksimizuar efektet pozitive të turizmit në të gjithë botën, një nga qëllimet e tij kryesore është të minimizojë ndikimet negative, të cilat janë pengesa në rrugën tonë për të arritur qëllime të zhvillimit të qëndrueshëm në turizëm global.
