Vlashent Sata, kantautori i mirënjohur shqiptar me banim në Francë, bën të ditur realizimin online të edicionit të katërt të eventit “Zâ-Fest”, me pjesëmarrje të artistëve shqiptarë në Diasporë dhe trojet shqiptare.

Vlashent Sata është Drejtori Artistik i këtij eventi të përvitshëm që zhvillohet në Alpet shqiptare dhe që promovon vlerat shqiptare, bukurinë e natyrës, si dhe kultivimin e artit.

Në një postim në Facebook Za-Fest shkruan:

Të dashur miq, këtë vit më shumë se kurrë, nuk donim të mungonim për ju, ndaj njoftojmë se Zâ Fest 4 vjen online këtë vit.

Ndonëse të gjithë e njohim situatën e vështirë në të cilën ndodhemi, nuk duam gjithsesi të mungojmë, e të sjellim pak dritë shprese.

Së bashku do të shihemi shumë shpejt nëpërmjet ekraneve të rrjeteve tona sociale. Duam të falenderojmë në mënyrë të veçantë sponsorin tonë gjeneral, Delegacionin e Bashkimit Evropian në Shqipëri dhe të gjithë sponsorat si Raiffeisen INVEST, Ministrinë e Kulturës, Bashkinë Shkodër dhe Iceberg Communication, që na kanë mbështetur këtë vit e për të gjithë dashamirësinë e treguar. Mendim i mirë, rri me ne edhe këtë herë …
Za Fest 4
Së shpejti…