Ambasada e Shteteve të Bashkuara të Amerikës me anë të një postimi në “Facebook” ka bërë me dije se USAID do të sigurojë transportin e 12 ekipeve mjekësore të cilët do të gjurmojnë rastet me Covid nëpër Shqipëri.

Vendi unë ka pasur shumë raste kohët e fundit, por vlen të theksohet se është shtuar edhe numri i testimeve.

Statusi i ambasadës:

Qeveria e Shteteve të Bashkuara, përmes USAID-it, po siguron transport për 12 ekipe gjurmuese, të cilët do të mbështesin strategjinë e Ministria e Shëndetësisë për të përshkallëzuar testimet për COVID-19, gjurmimin e kontakteve dhe mbikëqyrjen e sëmundjes.

Strategjia u shpalos këtë javë nga Ministrja e Shëndetësisë dhe Mbrojtjes Sociale Ogerta Manastirliu dhe mbështetja e USAID do t’u japë mundësinë ekipeve gjurmuese që të kryejnë këtë punë të rëndësishme në komunitete të largëta. #KrahPerKrah

Statistikat e Covid-19 në Shqipëri që prej fillimit të pandemisë deri më datë 19.08.2020 janë si më poshtë:

Testime totale 52724

Raste pozitive  7812

Raste të shëruara   3928

Raste Aktive  3650

Humbje jete   234 (Qarku Tiranë 116, Shkodër 34, Durrës 33, Fier 10, Elbasan 9, Korçë 9, Lezhë 6, Kukës 5, Vlorë 5, Dibër 3, Gjirokastër 3, Berat 1)

Shpërndarja gjeografike e rasteve aktive sipas qarqeve:

Tiranë 1913

Durrës   469

Shkodër 294

Fier  170

Lezhë 156

Korçë 147

Vlorë 144

Kukës 113

Elbasan103

Berat 59

Gjirokastër 43

Dibër 39