Ministri i Shtetit për Diasporën, Pandeli Majko, nëpërmjet një reagimi në “Facebook” ka falënderuar ministren Olta Xhaçka dhe ministrin Sandër Lleshi për punën që kanë bërë gjatë ditëve të fundit në situatën kaotike që ishte në Kakavijë.

Nuk ka munguar as falënderimi për Anastas Janullatos i cili është angazhuar personalisht që situata të shkonte drejt zgjidhjes.

Krizës në Kakavijë i erdhi fundi mbrëmë në orën 00:40 ku u lejuan që të kalonin të gjitha makinat që ishin në radhë.

Sipas njoftimit të ministrisë së Mbrojtjes ditën e djeshme kanë kaluar kufirin me Greqinë 3325 shtetas dhe 1629 mjete.

Statusi i Ministrit:

Falenderim për të gjitha strukturat shtetërore të angazhuara për përmbylljen e emergjencës humanitare veçanërisht për trupën ushtarake dhe policore të angazhura në kufirin me Greqinë fqinje, nën drejtimin e kolegëve Olta Xhaçka dhe Sandër Lleshi.

Ndaj si më të veçantë, që pavarësisht moshës, angazhimin të cilin ja kërkova kryepeshkopit Anastas Janullatos, në ndërmjetësimin që kriza të përmbyllej sa më shpejt.

Të tjerat, janë fjalë për “lugën” e atyre që dinë veç çfarë nuk duan.