Detina dhe Argita Zalli janë dy motra shqiptare shkencëtare të cilat gjatë periudhës së pandemisë kanë qene aktive në media dhe rrjetet sociale duke dhënë informacione të sakta dhe koherente mbi zhvillimet e virusit
Ditën e sotme ato kanë publikuar një broshurë informative rreth Covid19 ku japinë një pasqyrë të plotë të gjithë dinamikës së virusit.
“Libri gjendet gjithashtu ne faqen e Facebook, Afërdita Ime ku gjenden gjithashtu libri rreth Kancerit, Dietes dhe Radioterapie. Shpresojme tu kemi ndihmuar sado-pak. Ju lutem SHARE te edukojmë sa më shumë persona” shkruan në profilin e saj në facebook Detina Zalli
Broshura informative për COVID-19 këtu:
https://drive.google.com/file/d/12k2YCrudeGZwHVS774qU4Ih0SpfaX-gC/view
Dy motrat Detina dhe Argita Zalli në vitin 1999 emigruan në Angli, ku tashmë jetojnë dhe veprojnë me një karrierë të suksesshme.
Në një intervistë të para disa kohësh motrat do të shpreheshin:
“Unë dhe motra ime jemi të dyja shkencëtare. Ne erdhëm në Britani nga Shqipëria. Shkenca ishte shpëtimi ynë. Ajo hapi horizontet tona drejt diçkaje më të madhe. Kur erdhëm këtu e nisëm nga zero por falë zotit ishim dy dhe kjo ishte forca jonë”, rrëfen Argita.
“Ne ishim studente të mira dhe u vlerësuam nga mësuesit tanë të cilët na dhanë krahë për të fluturuar. Pas Britanisë, u zhvendosa në SHBA ku u pronova në Universitetin e Harvardit. Isha një nga shkencëtaret më të reja dhe prej andej lindi ideja e themelimit të ‘ Në flasim shkencë’ për të zhvilluar shkencën dhe mjekësinë jo vetëm në Britani dhe SHBA por edhe në komunitetete të tjera, si Shqipëria.”, shprehet Detina, shkencëtarja dhe pedagogia në Harvard, e cila tregon planin e rradhës.
“Ne bëjmë bashkë studentët nga e gjithë bota. Hapi i radhës është të zhvendosem në Oxford ku unë do mësoj doktorët më shumë rreth kancerit për të gjetur një ilaç më të mirë dhe për ndihmuar të gjithë ata që vuajnë nga kjo sëmundje. Kontributi jonë është të bëjmë shqiptarët të ndihen më shumë pjesë e komunitetit të shkencëtarëve. Shqipëria po lëviz në drejtimin e duhur”.
“Ne po ashtu, kemi mbajtur konferencë në Shqipëri ku kemi prezantuar kërkimet që kemi bërë në shkencë dhe ky është kontributi jonë, të bëjmë shqiptarët të ndihen më shumë pjesë e komunitetit të shkencëtarëve. Gjithashtu shqiptarët të ndihen më shumë europianë. Shqipëria ka përparuar, është bërë progres i mirë dhe po lëviz në drejtimin e duhur”, tha Detina.
