Elina Duni, këngëtarja shqiptare në Zvicër, ndanë me publikun regjistrimin e realizuar për programin “Radio 3” të medias britanike BBC.
Ajo ka interpretuar live një krijim të saj të fundit me titull “Empty Street”, së bashku me partnerin e saj në muzikë, Rob Luft.
Para pak kohësh ajo ka zhvilluar një koncert në Pezë, Tiranë sëbashku me Rob Luft, Gent Rushi, Oda Haliti.
Kush është Elina Duni:
Ajo është larguar nga Shqipëria për në Gjenevë, Zvicër në moshën 10 vjeçare, ku ka jetuar sëbashku me nënën e saj.
U specializua në rrymën “Jazz” pranë Universitetit të Arteve në Bern të Zvicrës dhe që nga viti 2004 ajo luan së bashku me kuartetin nën emrin e saj.
Stili i saj inovativ në rrymën “Jazz”, me një ndikim të madh nga muzika popullore shqiptare, u vlerësua me nominimin për çmimin Seiss Music Prize në vitin 2017.
Ajo merret me muzikën jazz por është e njohur për rrymën etno jazz ku disa këngë të vjetra shqiptare i ka ripërpunuar dhe i ka sjellë në këtë zhanër.
Publikimet e saj:
2007 – Baresha
2010 – Lume, Lume
2012 – Matanë Malit
2014 – Muza e zezë
2015 – Dallëndyshe
2018 – Partir