Shqipëria tashmë ka një Ligj për Shtetësinë, ndërkohë që ligji që ishte në fuqi mbante datën 1998.

Risitë e tij u prezantuan sot në sallën e Kuvendit nga Kreu i komisionit të Sigurisë Ermonela Felaj, sipas së cilës ligji i mëparshëm nuk ofronte zgjidhje për rastet e fitimit të shtetësisë në bazë të origjinës, ndrërsa ligji i ri zgjidh problematikën e Regjistrimit në Gjendjen Civile të personave mbi 18 vjeç, të cilët kanë lindur jashtë territorit të Republikës së Shqipërisë nga prindër shqiptarë apo qoftë edhe njëri prind shqiptar.

Me këtë problem përballen më së shumti familjet shqiptare që jetojnë në Greqi.

Ligji i ri parashikon lehtësi edhe për fitimin e shtetësisë shqiptare nga të huaj, apo ata që kanë humbur e duan ta rimarrin.