Mund të jesh plotësisht fermane (banore e Fermos) edhe nëse nuk ke lindur këtu (në Itali), mund të ndahen shijet dhe historitë, bankat e shkollës dhe miqësitë, lotët dhe buzëqeshjet. Kjo është  historia e Besijana Mustafës, shqiptare e lindur në Kosovë, por banore e Fermos që në tre muajt e parë të jetës së saj.

Besiana e cila sot është 24 vjeç ka vendosur të kandidojë në zgjedhjet e ardhshme komunale, në listën e  ’Piazza pulita’ të krye bashkiakut në largim  Paolo Calcinaro. Kandidim ky i cili do ti japë mundësinë ti riktheje këtij qyteti gjithçka të mirë që ka marrë deri tani. “E dua pafundësisht vendin tim të origjinës, vuaj për plagët që lufta ka lënë hapur në Kosovë, por une ndihem plotësisht italiane, historia ime dhe e ardhmja ime janë këtu, ushqimi që ha, librat me të cilët studio janë italianë”, thotë Besijana.

Që në shkollë të mesme Besijana është angazhuar në komunitet, i pëlqente që të përfshihej dhe të kuptonte më shumë politikë.

“Babai im së bashku me Granit Mucain ka qenë promotor i shoqatës që ka promovuar integrimin e komunitetit shqiptar në Fermo, sot madje nuk mund të themi më që jemi komunitet, pasi jemi pjesë e qytetit njësoj si gjithë të tjerët. Për këtë arsye kam dashur që të studioj për të kuptuar më mirë si funksionojnë gjërat. Jam diplomuar për Shkenca Politike dhe Marrëdhënie Ndërkombëtare, tani jam duke përfunduar masterin për Diplomaci Ndërkombëtare në universitetin e Bolonjës. Mendova që angazhimi në qytetin tim mund të ishte një hap i parë për të pasur një përvojë dhe për të bërë diçka konkrete për këtë vend që e dua shumë.

Unë jam e re sapo e kam nisur rrugën time por gjithësesi dua të jap kontributin tim. Nëse fitoj do të jetë hera e parë që një këshilltar me origjinë jo italiane do të ishte pjesë e Këshillit Komunal. Do të më pëlqente të isha zëri i të gjithë të huajve, por edhe i të rinjve te brezit tim, të atyre që kanë shumë për të dhënë, me entuziazmin e moshës tonë”.