Këngëtarja e njohur shqiptare Dua Lipa vetëm pak ditë që vendosi rekord me 3 këngë që kanë mbi 1 miliard klikime në “Spotify”, ajo sapo e ka thelluar këtë rekord pasi një tjetër këngë ka kapur 1 miliard klikime.

Këngëve “New Rules”, “One Kiss” dhe “IDGAF” ju është bashkuar edhe “Don’t start now”.

Dua ka qenë në qendër të vëmendjes ditët e fundit pasi ishte këngëtarja e parë me famë botërore që shpërndau peticionin që ju bë Apple për vendosjen e Kosovës në hartë të aplikacionit, pasi momentalisht është akoma si pjesë e Serbisë.

Gjithashtu ajo hodhi edhe një foto ku shfaqej Shqipëria e Madhe më të gjithë trojes e saj ku shkruhej “Autochthonous”.

Këngëtarja e ka ndarë lajmin me fansat me anë të një postimi në instagram ku shkruan:

“Duhet ti festoj këto fitore, faleminderit çdo njërit prej jush që dëgjon këngët e mia. Unë jam e lumtur që këto këngë gjejnë një shtëpi me ju dhe ndihem me fat që madje mund të mendoj se disa nga këto këngë bëhen kolona zanore e ditë suaj. Ju dua dhe ndihem me fat që bëj atë që dua çdo ditë. Kam diçka shumë të veçantë që po vjen për ju, e kam mbajtur secret deri më tani, por mezi pres që t’jua tregoj”.