Prej disa ditësh në rrjetet sociale po qarkullon një peticion ku i kërkohet Apple që të vendosë shtetin e Kosovës në hartën e saj “Apple Maps”.
Titulli i peticionit është “Put Kosovo on the Map”, “Vendos Kosovën në hartë”.
Para pak orësh, edhe këngëtarja kosovare me famë botërore, Dua Lipa, e ka ndarë këtë peticion me 48 milionë ndjekësit e saj në Instagram, duke e përkrahur këtë iniciativë dhe duke e shtryëzuar edhe një herë zërin dhe famën e saj për ta ndihmuar Kosovën.
Peticioni deri më tani ka marrë rreth 68 mijë nënshkrime dhe gjithashtu mund të bashkoheni edhe ju në linkun https://www.change.org/p/apple-put-kosovo-on-apple-maps?utm_content=cl_sharecopy_23507415_en-GB:0&recruiter=1132293589&recruited_by_id=aa5b6ea0-c827-11ea-bee7-1d249d644b4d&utm_source=share_petition&utm_medium=copylink&utm_campaign=psf_combo_share_initial&utm_term=psf_combo_share_initial&share_bandit_exp=skip-23507415-en-US
Megi C është ajo që e ka marrë këtë iniciativë për peticionin për Apple Inc Apple, pasi është shumë shqetësuese që Kosova nuk shfaqet në Apple Maps.
“Ju vështirë se mund t’i shihni kufijtë e saj dhe gjëja më e keqe e kësaj është se ajo paraqitet si pjesë e Serbisë. Kjo duhet të ndryshojë sa më shpejtë që të jetë e mundur sepse Kosova është një vend i pavarur që nga viti 2008”, thuhet në njoftim.
