“Albanian Auto-Show” është një traditë e krijuar së fundmi në komunitetin shqiptar në Detroit e cila oranizohet nga shoqata “Gjergj Fishta” që ka një aktivitet të dendur në pasqyrimin e jetës artistike, kulturore dhe sportive në komunitet.
Në aktivitetin e organizuar më 11 korrik 2020 morën pjesë qytetarë nga Malësia e Madhe në Mal të Zi me banim në Detroit, shumë prej të cilëve kanë punuar nëpër fabrika makinash apo kanë servise makinash, si dhe disa amerikanë, të cilët dispononin makina të markave të vjetra që nga viti 1942-2001, por në gjendje shumë të mirë teknike.
Ky aktivitet organizohet për të dytin vit radhazi dhe morën pjesë 28 makina të markave të ndryshme si “GMC” “Chevrolet” “Pontiak” “Mec” “Camoro” “Ford” “Porscae’ , “Fiat” dhe deri tek “Zastava”.
Markat jugosllave hynë në Amerikë rreth vitit 1980 si rezultat i statusit special që kishte ish-Jugosllavia në marrëdhëniet ekonomike me Amerikën. Një “Zastava’ apo “Yugo” jepej falas nëse dikush blinte një “Kadillak’ apo makinë të shtrenjtë, por amerikanët 90% të tyre në vend të makinave jugosllave që kushtonin 4.500 dollarë, kur bliheshin vetëm, preferuan të merrnin makinën e shtrenjtë dhe në vend të markave jugosllave merrnin një biçikletë falas.
Kjo për faktin se një vajzë e re duke ngarë makinën në një urë nga një erë e fortë përfundoi me gjithë makinën “Yugo” në liqen.
Një fakt tjetër është se patrioti Gjok Martini u vuri flaken makinave jugosllave në Detroit. Veprimtari Mark Prela Gjokaj u shpreh se shoqata “Gjergj Fishta” është e gjallë edhe në kohë të vështira dhe po promovon traditën shqiptare dhe atë amerikane në mënyrë që edhe brezat që rriten në Amerikë të dinë se nga vijnë e nga do të shkojnë.
Një grup të rinjësh shqiptaro amerikan që studiojnë për muzikë dhanë një koncert artistik për këtë aktivitet, ku kishte shumë të rinj e të reja dhe fëmijë që kishin ardhur me prindërit e tyre.
