Ambasada e Shteteve të Bashkuara të Amerikës nëpërmjet një statusi në “Facebook” ka njoftuar se tre ushtarakë shqiptarë janë diplomuar me sukses në Shkollën e Marinës së Shteteve të Bashkuara për Asgjësimin e Lëndëve Shpërthyese (EOD) në Niceville, Florida.

Gjithashtu theksohet se të tre kanë përfunduar diplomimin me nota të larta edhe pse është një lëndë jashtëzakonisht e vështirë.

Statusi i plotë i ambasadës Amerikane në rrjetin social:

Falë zemërgjerësisë së programit Operacionet Paqeruajtëse Globale (GPOI), Nënkoloneli i dytë shqiptar Klejdis Plaku, rreshteri i stafit Daniel Lumonllari dhe rreshteri Luan Mishova u diplomuan në Shkollën e Marinës së Shteteve të Bashkuara për Asgjësimin e Lëndëve Shpërthyese (EOD) në Niceville, Florida. Të tre teknikët shqiptarë të asgjësimit të lëndëve shpërthyese u diplomuan me nota të larta, edhe pse kjo lëndë konsiderohet jashtëzakonisht e vështirë dhe ka pasur historikisht një shkallë jashtëzakonisht të lartë tërheqjeje. Pjesëmarrja e tyre, e financuar nga programi GPOI, e ka pozicionuar mirë kompaninë shqiptare për asgjësimin e lëndëve shpërthyese në operacionet e ardhshme që mbështesin Misionet Paqeruajtëse të Kombeve të Bashkuara (UNPKO) në mbarë globin.