Shoqata Atdhetare Dibra në Nju Jork në bashkëpunim me Kryqin e Kuq Dibër për të katërtin vit radhazi ka vendosur që marrë pjesë në aktivizimin e ekipit të shpëtimtarëve gjatë sezonit të verës në liqenin e Dibrës.

Sipas njoftimit i cili është bërë ditën e djeshme në mbikëqyrje do të jenë dy persona dhe mbikëqyrja do të fillojë nga dita e sotme.

Statusi i publikuar në rrjetin social “Facebook” nga Shoqata Atdhetare Dibra:

“Shoqata Atdhetare Dibra edhe këtë vit do të marri përsipër të aktivizojë ekipin e shpëtimtarëve gjatë sezonit të verës në liqenin e Dibrës në bashkëpunim me Kryqin e Kuq – Dibër.

Duke pasur parasysh rëndësinë e prezencës të ekipit të shpëtimtarëve në bregun e liqenit të Dibrës, si dhe punës të shkëlqyer në tre vitet e kaluara nga shpëtimtarët, si dhe për të mos e lënë pa vazhduar këtë aktivitet bamirës dhe shumë fisnik, SHAD përsëri do të mbulojë të gjitha shpenzimet dhe do e bëjë te mundur që pushuesit në liqenin e Dibrës, sidomos fëmijët, të jenë nën kujdesin e ekipit të shpëtimtarëve.

Për arsye se fluksi në këtë sezon nuk do të jetë si në vitet e kaluara, ekipi i shpëtimtarëve do të përbëhet nga dy pjesëtar: Valdet Celiku dhe Jon Batku, të cilët i falenderojmë për gadishmërinë që treguan, si dhe do të bëhet në bashkëpunim me Kryqin e Kuq – Dibër ashtu si në vitet e kaluar. Kryqi i Kuq do të jetë përgjegjësi kryesor në teren (plazhin e liqenit).

Shpresojmë që edhe ky sezon veror të kalojë pa asnjë incident.

Ju urojmë pushime të këndshme në liqenin e Dibrës!”