Qeveria shqiptare për shkak të situatës së krijuar nga COVID-19 ka vendosur të shtyjë vlefshmërinë e kartave të identitetit që skadojnë brenda vitit 2020, deri në përfundim të gjendjes së pandemisë.
Këshilli i Ministrave miratoi në mbledhjen e radhës një shtesë në ligjin për “Letërnjoftimin elektronik të shtetasve shqiptarë”. Në vendimin e marrë theksohet se shtetasit shqiptarë që kanë në posedim letërnjoftim ID (karta identiteti) që skadojnë brenda vitit 2020, do të kenë mundësi të përdorin këtë letërnjoftime dhe përtej këtij afati, deri në përfundimin e gjendjes së pandemisë së shkaktuar nga përhapja e COVID-19.” Ky akt normativ hyn menjëherë në fuqi.
Një javë më parë qeveria shqiptare shtyu afatin e vlefshmërisë së pasaportave të shtetasve shqiptarë, që përfundonin brenda vitit 2020, deri në datën 31 dhjetor 2020.
