Pjesëmarrja e votuesve nga Diaspora në zgjedhjet e ardhshme është e një rëndësie të veçantë, pasi fuqizon kontributin e tyre të deritanishëm dhe mundëson një rol të rëndësishëm në zhvillimin e mëtejshëm të vendit.
Këshilli Koordinues i Diasporës, si organi shtetëror që ka si funksion të përfaqësojë interesat e Diasporës, ka iniciuar një peticion lidhur me garantimin e të drejtës së votës për shtetasit shqiptarë jashtë vendit.
Këtij peticioni i janë bashkuar politikanë, aktivistë të shoqërisë civile, gazetarë, analistë, këngëtarë etj.
Së fundmi ka qenë këngëtarja Albërie Hadërgjonaj, e cila në një postim në rrjete sociale, fton të gjithë që të plotësojnë peticionin.