Jim Memeti kryenashkiaku shqiptar i qytetit Dandenong në Australi ka folur për situatën e COVID-19 dhe rregullat e reja që do të duhet të zbatojnë komuniteti shqiptar dhe të gjithë qytetarët pas përfundimit të distancimit social. Ai shprehet se kjo periudhë ka qenë sfiduese për të gjithë dhe se këshilli i qytetit Dandenong ka vënë në plan të parë shëndetin dhe mirëqënien e qytetarëve në këtë situatë.

Jim Memeti shpreh falenderimet e tij për të gjithë ata që zbatuan kufizmet dhe si pasojë sollën ndalimin e përhapjes së virusit.

“Unë jam krenar për mënyrën sesi banorët e qytetit u sollën. Në këto momente ne jemi duke menduar për të rihapur ekonominë e qytetit. Nga data 9 qershor zyrat e shërbimit ndaj klientit në Dandenong dhe Parkmore do të jenë të hapura për publikun. Gjithashtu nga kjo e martë edhe libraritë do të hapen nga ora 10:00 deri në 18:00 pasdite, nga e hëna në të premte, me numër të reduktuar personash”, shprehet Jim.

Gjithashtu të mbyllura deri në një njoftim të dytë do të mbeten parqet. Sipas kryetarit të bashkisë distancimi fizik është shumë i rëndësishëm dhe gjithashtu edhe dezifektimi i duarve dhe mbajtja e maskave. Kushdo që nuk ndjehet mirë mund të punojë nga shtëpia.

Vendimet e marra nga Këshilli i qytetit janë në ndihmë të komunitetit dhe për ruajtjen e sigurisë së tij.

Jim Memeti është zgjedhur fillimisht këshilltar në bashkinë e qytetit Dandenong në vitin 2005. Më pas ai ka shërbyer si kryetar bashkie gjatë periudhave 2010, 2014, 2017 dhe aktualisht.