Mediat lokale në Detroit kanë raportuar gjetjen e trupit të jetë të 24-vjeçarit shqiptar Arsim Zendeli. Sipas raportimeve të policisë trupi u gjet në lumin e Detroitit ditën e shtunë nga një peshkatar në zonën përreth lumit.
Sipas zyrtarëve, të policisë saktësohet se të shtunën, 16 maj 2020, Departamenti i Policisë “Grosse Ile” u njoftua se është gjetur një trup në ujrat e lumit në Detroit pranë ishullit Celeron, ndërsa sot Ekzaminuesit Mjekësor të Qarkut Wayne konfirmuan identitetin e trupit të pajetë i cili është 24-vjeçari Arsim Zendeli.
Arsim Zendeli ka rezultuar i humbur që nga data 7 Prill. Ai u largua nga shtëpia e tij herët në mëngjes në automjetin e tij. Policia tha se automjeti u gjet disa orë më vonë me dëme të vogla në pjesën e përparme në parkingun e Edge Water në Grosse Ile.
Policia dhe anëtarët e familjes për 40 ditë thanë se kanë kontrolluar me helikopter, me patrullime në ujë dhe kanë përdorur në kërkim dhe ekipe të polumbarve si dhe qentë nuhatës K-9 por pa sukses, deri sa uji vet e nxori mbi sipërfaqe trupin e pa jetë të 24 vjeçarit Arsim Zendeli, shqiptar nga Struga me banim në SHBA.
