Marash Kumbulla, i cili pritet të jetë një nga shtyllat e kombëtares shqiptare, është në shenjestrën e shumë klubeve europiane të futbollit. Nga Napoli, Interi, Everton, Chelsea, madje edhe Arsenali janë interesuar për 20-vjeçarin, por skuadra që duket se po tenton me të gjitha mënyrat për të bindur shqiptarin, është Lazio. Kjo ndoshta dhe për faktin se drejtori sportiv i klubit roman është ish lojatari i kombëtares Igli Tare.
Tare duket i vendosur për transferimin e Marash Kumbullës në Romë, pas paraqitjes së shkëlqyer në këtë pjesë të sezonit të zhvilluar deri tani. Por pengesa më e madhe tashmë duket se është skuadra e Veronës.
Ajo po kërkon të përftojë deri në 30 milionë euro për shitjen e lojtarit, i cili ishte në fllim të sezonit në fund të listës së lojtarëve më të paguar. Përveç Kumbullës,Tare po kërkon të transferojë në Romë edhe Faraonin, një tjetër lojtar të Veronës.
“The Mirror”: Arsenali shënjestron lojtarin shqiptar Marash Kumbulla
